اللى فوق واللى تحت
سمعت كتير عن معارض الاسواق الخيرية وعن الهوانم اللى بتحضرها ليس الا من قبيل الوجاهة الاجتماعية فقط وسمعت اكتر عن هوانم جاردن سيتى او الاراشانات بالبلدى لكن سبحان الله السمع حاجة والشوف حاجة تانية خالص
فى الحقيقة انا بتخنق من الفئات دى عشان فى احساس بيفضل ملازمنى انا وبتعامل معاهم انهم مهجنين مش مصريين من دمنا ولحمنا على راى الست شيرين مشربوش من نيلها اللى بعتذر واتاسف كثيرا انى بقول عليه انه ملوث وميصلحش للشرب حتى بعد عمليات التطهير اللى بتحصله خاصة ان الواحد حتى ميقدرش يطمئن دلوقتى للمياه المعدنية اللى ياحرام طلعت برده ملوثه ،اقولكم اصل مفيش حاجة بقت مضمونة اليومين دول
المهم من سوء حظى كان عندى تغطية لاحد هذه المعارض الفايف ستار فى احد الفنادق الكبرى على ضفاف النيل وبالفعل ذهبت انا وزميلتى للمتابعة الصحفية ، عارفين انا حسيت انى جوه فيلم من الاربعينيات ستات اراشانات واخدين تصريح لمده ساعة من القرافة وجايين يحضروا المعرض دة "استغفر الله العظيم " مش قصدى اتريق بالمعنى التقليدى بس بجد ستات عواجيز اوى اوى وكل واحدة فيهم مركبة طقم سنان كنت خايفة يقع منها فى فنجان الشاى والله ههههههههههه ورغم كدة ملطخين وجوهم المكرمشة بمساحيق التجميل الصاخبة شبه البلياتشو وكأن كا سيدة فى العشرين من عمرها ،
وسط هذه الاجواء المستفزة من وجهه نظرى واللى وضحت لى ابسط صور العدالة الاجتماعية الغائبة فى بلدنا العزيز وان قد ايه فى ناس فى عالم الصفوة بل غارقين فى اقصى اشكال الرفاهية وناس تانية بيدور على خط الفقر ومش لاقينه اصلا
وساعتها خطر على بالى منظر الست ام محمد اللى ساكنة فى شارعنا وهى نازلة الصبح بدرى فى عز البرد عشان تلحق طابور العيش قبل ما يزحم عشان تجيب الرغيف المعدم اسفة المدعم ههههههههه المليان مسامير وخشب وزلط المهم ده قدر الست ام محمد عشان متقدرش تجيب باتية تفطر به زى الاراشانات دول ،
وتخيلت لو طنط تى تى او سوسو او كيكى وقفت فى الفرن لخمس دقائق هيحصلها ايه ههههههههه دى هتبقى مسخرة
وعشان متقلوش انى بعانى من الحقد الطبقى اقولكم الحمدلله احنا ناس من الطبقة المتوسطة البورجوزاية المستورة وكمان عايزة اككد لكم انى مبفتريش على الهوانم اللى جايين منظرة بس فى المعرض سألت احداهن وقلتها كلمينا عن مشاركتك انهاردة ردت وقالت انا بصراحة جاية مع صحبتى كوكا ومنعرفش لسة هنحضر بارتى ولا هنعمل شوبنج " لاتعليق "
انا هختم البوست ده باغنية اكيد هتعجبكم فيها تعبير عن مصر وحالة الشارع المصرى بجد بناسها الطبيين اللى مش مزيفين ولا عاملين شد وتكبير ولابسين بواريك ، المصريين اللى بيصحوا يفطروا بطيق الفول ويحبسوا بوكباية شاى فى الخمسينة مش فى فنجان ....
رصيف نمرة خمسة
رصيف نمرة خمسة والشارع زحام و ساكت كلامنا مالاقى كلام
تسالي يا خال تدخن يا عم تتوه المعاني فى لساني لجام
رصيف نمرة خمسة
كلاكس التروللى بيسور ودانى وشحتة المزين بياكل ودانى
يانادى باريس تعالى حسبنى وجدول ديونه عشانه وعشانى
وعبد الله رشدي محامى قدير بيرفع قضية فى باب الوزير
على عم فكرى بتاع البليلة عشان مرة زعق بصوته الجهير
رصيف نمرة خمسة
بقالة الأمانة ونصحي السروجي عاملين شركة فى مشروع بوتيك
ونادوا لعبده الفرارجى يشاركهم فرد بقلاطة محبش شريك
وجت واقعة سودة فى سوق الإمام عشان عم لمعى بتاع الحمام
مقدرش يوصل لاى اتفاق مع سبع فاندى فى قضية سلام
واطفال عجايز فى نبت الطفولة وأفلام قديمة وإعلان كاكولا
تبزنس تعيش لاخر حياتك ولو باعو فرخة هتا خد عمولة
ترماى بسنجة فى روض الفرج واعمار تعدى دة ييجى الفرج
ولا بحر باين فى أخره مراسي ولا حد راسى منين الفرج
رصيف نمرة خمسة
سمعت كتير عن معارض الاسواق الخيرية وعن الهوانم اللى بتحضرها ليس الا من قبيل الوجاهة الاجتماعية فقط وسمعت اكتر عن هوانم جاردن سيتى او الاراشانات بالبلدى لكن سبحان الله السمع حاجة والشوف حاجة تانية خالص
فى الحقيقة انا بتخنق من الفئات دى عشان فى احساس بيفضل ملازمنى انا وبتعامل معاهم انهم مهجنين مش مصريين من دمنا ولحمنا على راى الست شيرين مشربوش من نيلها اللى بعتذر واتاسف كثيرا انى بقول عليه انه ملوث وميصلحش للشرب حتى بعد عمليات التطهير اللى بتحصله خاصة ان الواحد حتى ميقدرش يطمئن دلوقتى للمياه المعدنية اللى ياحرام طلعت برده ملوثه ،اقولكم اصل مفيش حاجة بقت مضمونة اليومين دول
المهم من سوء حظى كان عندى تغطية لاحد هذه المعارض الفايف ستار فى احد الفنادق الكبرى على ضفاف النيل وبالفعل ذهبت انا وزميلتى للمتابعة الصحفية ، عارفين انا حسيت انى جوه فيلم من الاربعينيات ستات اراشانات واخدين تصريح لمده ساعة من القرافة وجايين يحضروا المعرض دة "استغفر الله العظيم " مش قصدى اتريق بالمعنى التقليدى بس بجد ستات عواجيز اوى اوى وكل واحدة فيهم مركبة طقم سنان كنت خايفة يقع منها فى فنجان الشاى والله ههههههههههه ورغم كدة ملطخين وجوهم المكرمشة بمساحيق التجميل الصاخبة شبه البلياتشو وكأن كا سيدة فى العشرين من عمرها ،
وسط هذه الاجواء المستفزة من وجهه نظرى واللى وضحت لى ابسط صور العدالة الاجتماعية الغائبة فى بلدنا العزيز وان قد ايه فى ناس فى عالم الصفوة بل غارقين فى اقصى اشكال الرفاهية وناس تانية بيدور على خط الفقر ومش لاقينه اصلا
وساعتها خطر على بالى منظر الست ام محمد اللى ساكنة فى شارعنا وهى نازلة الصبح بدرى فى عز البرد عشان تلحق طابور العيش قبل ما يزحم عشان تجيب الرغيف المعدم اسفة المدعم ههههههههه المليان مسامير وخشب وزلط المهم ده قدر الست ام محمد عشان متقدرش تجيب باتية تفطر به زى الاراشانات دول ،
وتخيلت لو طنط تى تى او سوسو او كيكى وقفت فى الفرن لخمس دقائق هيحصلها ايه ههههههههه دى هتبقى مسخرة
وعشان متقلوش انى بعانى من الحقد الطبقى اقولكم الحمدلله احنا ناس من الطبقة المتوسطة البورجوزاية المستورة وكمان عايزة اككد لكم انى مبفتريش على الهوانم اللى جايين منظرة بس فى المعرض سألت احداهن وقلتها كلمينا عن مشاركتك انهاردة ردت وقالت انا بصراحة جاية مع صحبتى كوكا ومنعرفش لسة هنحضر بارتى ولا هنعمل شوبنج " لاتعليق "
انا هختم البوست ده باغنية اكيد هتعجبكم فيها تعبير عن مصر وحالة الشارع المصرى بجد بناسها الطبيين اللى مش مزيفين ولا عاملين شد وتكبير ولابسين بواريك ، المصريين اللى بيصحوا يفطروا بطيق الفول ويحبسوا بوكباية شاى فى الخمسينة مش فى فنجان ....
رصيف نمرة خمسة
رصيف نمرة خمسة والشارع زحام و ساكت كلامنا مالاقى كلام
تسالي يا خال تدخن يا عم تتوه المعاني فى لساني لجام
رصيف نمرة خمسة
كلاكس التروللى بيسور ودانى وشحتة المزين بياكل ودانى
يانادى باريس تعالى حسبنى وجدول ديونه عشانه وعشانى
وعبد الله رشدي محامى قدير بيرفع قضية فى باب الوزير
على عم فكرى بتاع البليلة عشان مرة زعق بصوته الجهير
رصيف نمرة خمسة
بقالة الأمانة ونصحي السروجي عاملين شركة فى مشروع بوتيك
ونادوا لعبده الفرارجى يشاركهم فرد بقلاطة محبش شريك
وجت واقعة سودة فى سوق الإمام عشان عم لمعى بتاع الحمام
مقدرش يوصل لاى اتفاق مع سبع فاندى فى قضية سلام
واطفال عجايز فى نبت الطفولة وأفلام قديمة وإعلان كاكولا
تبزنس تعيش لاخر حياتك ولو باعو فرخة هتا خد عمولة
ترماى بسنجة فى روض الفرج واعمار تعدى دة ييجى الفرج
ولا بحر باين فى أخره مراسي ولا حد راسى منين الفرج
رصيف نمرة خمسة
